នៅរសៀលថ្ងៃចន្ទ ១រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែមីនា ឆ្នាំ២០២៤ នៅសាលសន្និសីទក្រុមប្រឹក្សាធម្មនុញ្ញ អគារ ស វិមានរដ្ឋចំការមន ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ បានអញ្ជើញជាអធិបតីក្នុងកិច្ចប្រជុំដើម្បី ៖ ១.ផ្តល់មតិលើការរៀបចំបែងចែកភារកិច្ចក្នុងក្រុមការងារជាសេនាធិការឱ្យអគ្គលេខាធិការដ្ឋានក្រុមប្រឹក្សាធម្មនុញ្ញ ទទួលបន្ទុកការងារសមាគមតុលាការធម្មនុញ្ញហ្វ្រង់កូហ្វូន(ACCF) និងសន្និសីទពិភពលោកស្តីពីយុត្តិធម៌ធម្មនុញ្ញ(WCCJ) ២.ផ្តល់មតិតម្រង់ទិសពាក់ព័ន្ធនឹង​ការរៀបចំសេចក្តីព្រាង​បទអន្តរាគមន៍​ជូនឯកឧត្តមកិត្តិនីតិកោសលបណ្ឌិតប្រធានក្រុមប្រឹក្សាធម្មនុញ្ញ សម្រាប់ចូលរួមសន្និសីទ​អន្តរជាតិនៃតុលាការធម្មនុញ្ញសហព័ន្ធរុស្សី ដែលនឹងប្រព្រឹត្តទៅនៅថ្ងៃទី២៦ ខែមិថុនា ឆ្នាំ២០២៤ នាទីក្រុងសាំងភឺធឺស្បឺក (ST PETERSBURG) ប្រទេសរុស្សី។
26 មីនា 2024