នៅរសៀលថ្ងៃសុក្រ ៨រោច ខែពិសាខ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១២ ខែឧសភា ឆ្នាំ២០២៣ នៅទីស្ដីការក្រុមប្រឹក្សាធម្មនុញ្ញ អគារ ស វិមានរដ្ឋចំការមន ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ និងសមាជិក សមាជិកាក្រុមប្រឹក្សាធម្មនុញ្ញ អមដោយថ្នាក់ដឹកនាំអគ្គលេខាធិការដ្ឋានក្រុមប្រឹក្សាធម្មនុញ្ញ បានអញ្ជើញប្រារព្ធពិធីសូត្រមន្តឡើងអគាររដ្ឋបាលថ្មីរបស់ក្រុមប្រឹក្សាធម្មនុញ្ញ ដោយមានការនិមន្តពីសម្តេចព្រះធម្មលិខិតបណ្ឌិត សៅរ៍ ចន្ទថុល្ល ព្រះរាជាគណៈថ្នាក់ឯក ឧត្តមប្រឹក្សាគណៈមហានិកាយនៃព្រះរាជាណាចក្រកម្ពុជា ព្រះចៅ​អធិការ​វត្ត​លង្កា​ព្រះ​កុសុមារាម និងព្រះគ្រូសូធ្យស្តាំ-ឆ្វេង និងព្រះមន្ត្រីសង្ឃនៃវត្តលង្កាព្រះកុសុមារាម និមន្តប្រោះប្រទានពរជ័យ សិរីបវរមហាប្រសើរ ថ្វាយ/ជូនដល់ឯកឧត្តមកិត្តិនីតិកោសលបណ្ឌិតប្រធាន សម្តេច ឯកឧត្តម លោកជំទាវ សមាជិក សមាជិកាក្រុមប្រឹក្សាធម្មនុញ្ញ ព្រមទាំងថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានក្រុមប្រឹក្សាធម្មនុញ្ញ។
12 ឧសភា 2023