នៅព្រឹកថ្ងៃពុធ ១៤កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី០៣ ខែឧសភា ឆ្នាំ២០២៣ នៅសាលសន្និសីទ នាទីស្តីការក្រុមប្រឹក្សាធម្មនុញ្ញ អគារ ស វិមានរដ្ឋចំការមន ឯកឧត្តមបណ្ឌិត ព្រហ្ម វិចិត្រអក្ខរា អគ្គលេខាធិការរងនៃក្រុមប្រឹក្សាធម្មនុញ្ញ និងជាប្រធានក្រុមការងារ បានដឹកនាំក្រុមការងារចំពោះកិច្ចនៃអគ្គលេខាធិការដ្ឋានក្រុមប្រឹក្សាធម្មនុញ្ញ រួមជាមួយនឹងក្រុមការងារបច្ចេកទេសចំពោះកិច្ចនៃក្រសួងអប់រំ យុវជន និងកីឡា ដឹកនាំដោយឯកឧត្តម ពុត សាមិត្ត អគ្គនាយកនៃអគ្គនាយកដ្ឋានអប់រំ ដើម្បីពិភាក្សាការងារពីការរៀបចំ បែបបទ និងវិធីសាស្ត្រនានាក្នុងការត្រៀមផ្សព្វផ្សាយបទប្បញ្ញត្តិគ្រឹះមួយចំនួនដែលមានចែងក្នុងរដ្ឋធម្មនុញ្ញទៅក្នុងកម្មវិធីសិក្សាទាំងបីកម្រិតរបស់ក្រសួងអប់រំ យុវជន និងកីឡា ដល់ក្រុមគ្រូឧទ្ទេសលើមុខវិជ្ជាសីលធម៌ ពលរដ្ឋវិជ្ជាទូទាំង ២៥ រាជធានី ខេត្ត នាថ្ងៃទី១០ ខែឧសភា ឆ្នាំ២០២៣ នៅខេត្តសៀមរាប ស្របតាមអនុស្សរណៈនៃការព្រមព្រៀងចុះថ្ងៃទី០១ ខែមីនា ឆ្នាំ២០១៩ រវាងក្រុមប្រឹក្សាធម្មនុញ្ញ និងក្រសួងអប់រំ យុវជន និងកីឡា ។
03 ឧសភា 2023