នារសៀលថ្ងៃអង្គារ ១៥រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២១ ខែមីនា ឆ្នាំ២០២៣ ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ អមដោយថ្នាក់ដឹកនាំអគ្គលេខាធិការដ្ឋានក្រុមប្រឹក្សាធម្មនុញ្ញ បានអញ្ជើញចុះពិនិត្យការដ្ឋានសំណង់អគាររដ្ឋបាលថ្មីក្រុមប្រឹក្សាធម្មនុញ្ញ នៅបរិវេណវិមានរដ្ឋចំការមន ដែលគ្រោងនឹងបញ្ចប់ការសាងសង់ស្ថាពរនៅក្នុងខែមេសា ឆ្នាំ២០២៣ ខាងមុខនេះ។ គូសបញ្ជាក់ថា អគាររដ្ឋបាលថ្មីរបស់ក្រុមប្រឹក្សាធម្មនុញ្ញដែលកំពុងសាងសង់នេះ បានចាប់ផ្តើមសាងសង់ពីថ្ងៃទី១៨ ខែមិថុនា ឆ្នាំ២០២១ ដោយប្រើរយៈពេល២២ខែដើម្បីបញ្ចប់ រួមទាំងការបំពាក់ឧបករណ៍សម្ភារៈផ្សេងៗ។
21 មីនា 2023