នាថ្ងៃសៅរ៍ ៦កេីត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០១ ខែតុលា ឆ្នាំ២០២២ ក្នុងឱកាសទិវាមនុស្សចាស់ កម្ពុជា និងទិវាមនុស្សចាស់អន្តរជាតិ ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ បានដឹកនាំគណៈប្រតិភូក្រុមប្រឹក្សាធម្មនុញ្ញ រួមជាមួយនឹងឯកឧត្តម យ៉ង់ សែម ប្រធានគណ:កម្មការទី១ព្រឹទ្ធសភា បានអញ្ជើញជួបសំណេះសំណាល និងសួរសុខទុក្ខជាមួយប្រជាជនវ័យចាស់ និងក្រីក្រជួបការលំបាក ចំនួន១០០ គ្រួសារ នៅសាលាក្រុងក្រចេះ ខេត្តក្រចេះ ដោយបាននាំយក អង្ករ មី ត្រីខកំប៉ុង ទឹកសុីអុីវ និងថវិកាមួយចំនួនសម្រាប់ដោះស្រាយជីវភាព។ គូសបញ្ជាក់ផងដែរថា នៅក្នុងពិធីខាងលើ មានការអញ្ជើញចូលរួមពីឯកឧត្តមប្រធានក្រុមប្រឹក្សាខេត្ត ឯកឧត្តមអភិបាលខេត្ត និង ឯកឧត្តម លោកជំទាវ លោក លោកស្រី ជាសមាជិកក្រុមប្រឹក្សាខេត្ត អភិបាលរងខេត្ត អភិបាលក្រុងក្រចេះ និងមន្ត្រីរាជការជុំវិញខេត្តផងដែរ។
01 តុលា 2022