អគ្គលេខាធិការដ្ឋាន​នៃ​ក្រុមប្រឹក្សាធម្មនុញ្ញ ត្រូវបាន​គ្រប់គ្រង​ដោយ​អគ្គលេខាធិការ​មួយរូប និង មាន​អគ្គលេខាធិការរង​មួយចំនួនជាជំនួយការ នៅក្រោម​ការទទួលខុសត្រូវរ​បស់​ប្រធាន​ក្រុមប្រឹក្សាធម្មនុញ្ញ ។ អគ្គលេខាធិការ មាន​ឋានៈ​ស្មើ​នឹង​រដ្ឋលេខាធិការ និង អគ្គលេខាធិការរង មាន​ឋានៈ​ស្មើ​​នឹងអនុរដ្ឋលេខាធិការ។ អគ្គលេខាធិការ​គ្រប់គ្រង និង ចាត់ចែង​ការងាររដ្ឋបាល​ទាំងឡាយ របស់​ក្រុមប្រឹក្សាធម្មនុញ្ញ ក្រោម​ការណែនាំ​របស់​ប្រធាន​ក្រុមប្រឹក្សាធម្មនុញ្ញ។ អគ្គលេខាធិការ​អាច​ទ​ទួល​សិទ្ធិ​ពី​ប្រធាន​ក្រុមប្រឹក្សាធម្មនុញ្ញ ដើម្បី​ចុះហត្ថលេខា​លើ​លិខិត ឬ សេចក្ដីសម្រេច​រដ្ឋបាល ។