នៅព្រឹកថ្ងៃព្រហស្បតិ៍ ៤រោច ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី0៦ ខែកក្កដា ឆ្នាំ២០២៣ នៅសាលសន្និសីទក្រុមប្រឹក្សាធម្មនុញ្ញ អគារ ស វិមានរដ្ឋចំការមន ឯកឧត្តមបណ្ឌិត ព្រហ្ម វិចិត្រអក្ខរា អគ្គលេខាធិការរងនៃក្រុមប្រឹក្សាធម្មនុញ្ញ និងជាប្រធានក្រុមការងារ បានដឹកនាំកិច្ចប្រជុំដើម្បីពិនិត្យផ្ទៀងផ្ទាត់ខ្លឹមសារនៃបទប្បញ្ញត្តិគ្រឹះមួយចំនួននៃរដ្ឋធម្មនុញ្ញ ដែលបានដាក់បញ្ជូលទៅក្នុងសៀវភៅវិទ្យាសាស្រ្ត-សិក្សាសង្គមថ្នាក់ទី១ សៀវភៅសិក្សាសង្គមថ្នាក់ទី៤ និងសៀវភៅសីលធម៌-ពលរដ្ឋវិជ្ជាថ្នាក់ទី៧ និងទី១០ មុននឹងធ្វើការបោះពុម្ព ដោយក្រសួងអប់រំ យុវជន និងកីឡា ក្នុងឆ្នាំ២០២៣នេះ។
06 កក្កដា 2023