សេចក្តីប្រកាសព័ត៌មាន លេខ ៧០/២០២២ អ.កបធ.សជណ ចុះថ្ងៃសុក្រ ៥កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣០ ខែកញ្ញា ឆ្នាំ២០២២

30 កញ្ញា 2022

អគ្គលេខាធិការនៃក្រុមប្រឹក្សាធម្មនុញ្ញ មានកិត្តិយសសូមជម្រាបជូនសាធារណជនជ្រាបថា តបតាមការអញ្ជើញរបស់ប្រធានតុលាការធម្មនុញ្ញ នៃសាធារណរដ្ឋឥណ្ឌូនេស៊ី និងក្នុងនាមក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា ជាសមាជិកនៃសន្និសីទពិភពលោកស្ដីពីយុត្តិធម៌ធម្មនុញ្ញ (ហៅកាត់ជាភាសាអង់គ្លេសថា WCCJ) ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា នឹងដឹកនាំគណៈប្រតិភូក្រុមប្រឹក្សាធម្មនុញ្ញនៃព្រះរាជា- ណាចក្រកម្ពុជា អញ្ជើញចូលរួមសមាជលើកទី៥ នៃសន្និសីទពិភពលោកស្តីពីយុត្តិធម៌ធម្មនុញ្ញ (WCCJ) នេះ នៅទីក្រុងបាលី ប្រទេសឥណ្ឌូនេស៊ី ចាប់ពីថ្ងៃទី ០២ ដល់ថ្ងៃទី ០៨ ខែតុលា ឆ្នាំ២០២២ ក្រោមប្រធានបទ“យុត្តិធម៌ធម្មនុញ្ញ និងសន្តិភាព”។

Download