នៅព្រឹកថ្ងៃព្រហស្បតិ៍ ៩រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០២ ខែឧសភា ឆ្នាំ២០២៤ នៅសាលសន្និសីទក្រុមប្រឹក្សាធម្មនុញ្ញ អគារ ស វិមានរដ្ឋចំការមន គោរពតាមការចាត់តាំងរបស់ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ ឯកឧត្តម ស៊ាន សូលីវុធ អគ្គនាយកសេវាច្បាប់និងបច្ចេកទេស បានអញ្ជើញជាអធិបតីបើកវគ្គចែករំលែកចំណេះដឹងព័ត៌មានវិទ្យា ជូនមន្ត្រីរាជការនៃអគ្គលេខាធិការដ្ឋានក្រុមប្រឹក្សាធម្មនុញ្ញ ក្នុងគោលបំណងលើកកម្ពស់ចំណេះដឹងបន្ថែមផ្នែកព័ត៌មានវិទ្យា ដើម្បីប្រែក្លាយខ្លួនជាពលរដ្ឋឌីជីថល ស្របតាមគោលនយោបាយ និងយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី៧នៃរដ្ឋសភា ឆ្នាំ២០២៣-២០២៨ បញ្ចកោណទី៥ «ការអភិវឌ្ឍសេដ្ឋកិច្ច និងសង្គមឌីជីថល»។
02 ឧសភា 2024